Media

Media — kommunikasiyada məzmun saxlamaq və çatdırmaq üçün istifadə olunan kommunikasiya vasitələri və ya alətləri.^[1][2] Bu termin əsasən çap mediası, nəşriyyat, xəbər mediası, fotoqrafiya, kino, yayım (radio və televiziya), rəqəmsal media və reklam kimi kütləvi informasiya vasitələrinin kommunikasiya sənayesinin komponentlərinə aid edilir.^[3]

Əhəmənilər dövləti (çaparxana) və Roma imperiyası da daxil olmaqla, poçt kimi uzun məsafəli rabitə sistemlərinə imkan verən erkən yazı və kağızın inkişafı medianın erkən formaları kimi şərh edilə bilər.^[4] Hovard Reynqold kimi yazıçılar insan kommunikasiyanın ilk formalarını, məsələn, Lasko mağara təsvirlərini və erkən yazıları medianın ilk formaları kimi qələmə vermişdilər.^[5] Media tarixinin başqa bir çərçivəsi Şove mağarasının təsvirləri ilə başlayır və insan ünsiyyətini qısa səs diapazonundan kənara çıxarmağın digər yolları ilə davam edir: tüstü siqnalları, iz işarələri və heykəllər.^[6]

Kommunikasiya kanalları ilə bağlı müasir tətbiqində media termini ilk dəfə kanadalı kommunikasiya nəzəriyyəçisi Marşall MakLuhan tərəfindən "Counterblast" (1954) əsərində istifadə edilmişdir: "Media oyuncaq deyil; onlar Ana Qaz və Piter Pan rəhbərlərinin əlində olmamalıdır. Onları yalnız yeni rəssamlara həvalə etmək olar, çünki onlar sənət formalarıdır". 1960-cı illərin ortalarında bu termin Şimali Amerika və Birləşmiş Krallıqda geniş istifadə edilməyə başlanmışdır. Kütləvi informasiya vasitələri ifadəsi, Henri Luis Menkenə görə, ABŞ-də hələ 1923-cü ildə istifadə edilmişdir.^[7][8]

1. ↑ "What is media? definition and meaning". BusinessDictionary.com. 2017-05-07 tarixində orijinalından arxivləşdirilib. İstifadə tarixi: 2014-10-03.
2. ↑ Cory Janssen. "What is Communication Media? - Definition from Techopedia". Techopedia.com. 2017-04-03 tarixində arxivləşdirilib. İstifadə tarixi: 2014-10-03.
3. ↑ Martin Lister; Jon Dovey; Seth Giddings; Iain Grant; Kieran Kelly. New Media: A Critical Introduction (PDF) (2nd). 2016-03-06 tarixində arxivləşdirilib (PDF). İstifadə tarixi: 2014-10-03.
4. ↑ Dunston, Bryan. "Postal system". The Chicago School of Media Theory (ingilis). 2002. 2020-11-04 tarixində orijinalından arxivləşdirilib. İstifadə tarixi: 2019-02-18.
5. ↑ Livingstone, Sonia M.; Lievrouw, Leah A. New Media: A Critical Introduction (ingilis). Taylor & Francis. 2009. 52–53. ISBN 9780415431606. 2023-06-28 tarixində arxivləşdirilib. İstifadə tarixi: 2020-10-27.
6. ↑ Lule, Jack. Globalization and Media: Global Village of Babel (ingilis). Rowman & Littlefield. 2012. 33–34. ISBN 9780742568365. 2023-06-28 tarixində arxivləşdirilib. İstifadə tarixi: 2020-10-27.
7. ↑ Colombo, John Robert. Colombo's All-Time Great Canadian Quotations. Stoddart Publishing. 1994. səh. 176. ISBN 0-7737-5639-6.
8. ↑ Group 3. "The Evolution of Media". Evolution of Media (ingilis). 2022-02-11 tarixində arxivləşdirilib. İstifadə tarixi: 2022-02-11.